കുന്നക്കുരുടി പള്ളി പെരുന്നാള്‍ കൊടിയേറി
പെരുമ്പാവൂര്‍: കുന്നുക്കുരുടി സെന്റ് ജോര്‍ജ് യാക്കോബായ സുറിയാനി പള്ളിയില്‍ പെരുന്നാളും സുവിശേഷ മഹാ യോഗവും തുടങ്ങി. 21ന് സമാപിക്കും.പെരുന്നാള്‍ കൊടിയേറ്റ് ശ്രേഷ്ഠ കാതോലിക്കാ ബാവ ആബൂന്‍ മാര്‍ ബസേലിയോസ് പ്രഥമന്‍ നിര്‍വഹിച്ചു. ആഘോഷങ്ങള്‍ക്ക് മാത്യൂസ് മാര്‍ അഫ്രേം മെത്രാപ്പോലീത്ത, കുര്യാക്കോസ് മാര്‍ യൗസേബിയൂസ് മെത്രാപ്പോലീത്ത എന്നിവര്‍ നേതൃത്വം നല്‍കും.തിങ്കളാഴ്ച വൈകീട്ട് ഫാ. പൗലോസ് പള്ളത്തുകുടിയുടെ നേതൃത്വത്തില്‍ പ്രസംഗം, സുവിശേഷ ഗാനങ്ങള്‍, ബുധനാഴ്ച വൈകീട്ട് എട്ടിന് റാസ, വ്യാഴാഴ്ച ഉച്ചയ്ക്ക് നേര്‍ച്ചസദ്യ എന്നിവയുണ്ടാകും. സുവിശേഷ യോഗത്തില്‍ പങ്കെടുക്കുന്നവര്‍ക്ക് വാഹന സൗകര്യം ഏര്‍പ്പെടുത്തിയതായും വികാരി ഫാ. ബിജു വര്‍ക്കി കൊരട്ടിയില്‍, സെക്രട്ടറി കെ.കെ. സ്‌കറിയ കക്കാട്ടില്‍ എന്നിവര്‍ അറിയിച്ചു.