പീച്ചാനിക്കാട് പള്ളിയില്‍ ശിലാസ്ഥാപന പെരുന്നാള്‍

അങ്കമാലി: പീച്ചാനിക്കാട് സെന്റ് പീറ്റേഴ്‌സ് യാക്കോബായ പള്ളിയില്‍ ശിലാസ്ഥാപന പെരുന്നാളും സിറിയന്‍ ബൈബിള്‍ കണ്‍വെന്‍ഷനും 4 മുതല്‍ 9 വരെ നടക്കും. ചൊവ്വാഴ്ച രാവിലെ 9ന് ഫാ. മാത്യൂസ് പാറയ്ക്കല്‍ പെരുന്നാളിന് കൊടിയേറ്റും. രാത്രി 7.30ന് നടക്കുന്ന സിറിയന്‍ ബൈബിള്‍ കണ്‍വെന്‍ഷന്‍ ഫാ. പൗലോസ് അറയ്ക്കപറമ്പില്‍ ഉദ്ഘാടനം ചെയ്യും. ഫാ. ഷോബിന്‍ പോള്‍ മുഖ്യപ്രഭാഷണം നടത്തും.ബുധനാഴ്ചയും വ്യാഴാഴ്ചയും വെള്ളിയാഴ്ചയും രാവിലെ 7.30ന് വിശുദ്ധകുര്‍ബാന, വെള്ളിയാഴ്ച വൈകീട്ട് 6.30ന് നടക്കുന്ന ഭക്തസംഘടനകളുടെ വാര്‍ഷികം ഫാ. സാബു പാറയ്ക്കല്‍ ഉദ്ഘാടനം ചെയ്യും. ഫാ. മാത്യൂസ് പാറയ്ക്കല്‍ അധ്യക്ഷനാകും. വിവിധ കലാപരിപാടികള്‍, സമ്മാനദാനം എന്നിവ ഉണ്ടാകും.ശനിയാഴ്ച രാവിലെ 7.30ന് വിശുദ്ധ കുര്‍ബാന, വൈകീട്ട് 7ന് മര്‍ക്കോസ് മാര്‍ ക്രിസോസ്റ്റമോസ് മെത്രാപ്പോലീത്തയുടെ മുഖ്യകാര്‍മികത്വത്തില്‍ സന്ധ്യാപ്രാര്‍ഥന, തുടര്‍ന്ന് മൂന്ന് കുരിശിന്‍തൊട്ടികളിലേക്ക് പ്രദക്ഷിണം, തുടര്‍ന്ന് കരിമരുന്നുപ്രയോഗം. ഞായറാഴ്ച രാവിലെ 8.45ന് വിശുദ്ധകുര്‍ബാന, തുടര്‍ന്ന് പ്രദക്ഷിണം, നേര്‍ച്ചസദ്യ എന്നിവ ഉണ്ടാകും.